سلطان ساوالان

گئدر

حیات یئنیش - یوخوش بیر یولا بنزر

عالیمده شاعیرده ناداندا گئدر.

بیزه نعمت وئرن قارا تورپاغا

میلیون -میلیون اینسان بیرآندا گئدر.

اونون قانونوندا عدالته باخ

مزاردا هئچ کیمه یاندیرماز چیراق

کیملیگین سوروشمور او قارا تورپاق

اورا شاهدا گئدر چوباندا گئدر.

دونیا نه شیریندی آی وطن اوغلو

باخدیقجا((بهمنین))گوزلری دولو

حئیف عومورآدلی بو گوزل یولو

قانمایاندا گئدر قاناندا گئدر.

بهمن وطن اوغلو

|+| نوشته شده توسط سهند در چهارشنبه 28 فروردین1387 و ساعت 12:51 |